ياپونىيە- شەرقىي ئاسىياغا جايلاشقان، تۆت ئەتراپى دېڭىز بىلەن ئورالغان بولۇپ، يەر مەيدانى تەخمىنەن 380 مىڭ كۋادرات كىلومېتىر، تەخمىنەن 127 مىليون ئاھالىگە ئىگە.
ياپونىيە تەرەققىي تاپقان سانائەت دۆلىتى بولۇپ، 2006- يىلدىكى GDP ئىشلەپچىقىرىش ئومۇمىي قىممىتى 4.5 تىرىليون ئامېرىكا دوللىرىغا يەتكەن. بۇ كىشى بېشىغا ئوتتۇرا ھېساب بىلەن 32 مىڭ ئامېرىكا دوللىرىدىن توغرا كېلىدۇ.
ياپونىيە پادىشاھلىق ئاساسىي قانۇنلۇق تۈزۈمدىكى دۆلەت بولۇپ، ھازىرقى پادىشاھى ئاكىخىتو 1933- يىل 23- دېكابىر تۇغۇلغان، 1989- يىل 7- يانۋاردا تەختكە چىقىپ، يىلنامىنى «خېيسېي» غا ئۆزگەرتكەن.
ھازىرقى ھاكىمىيەت بېشىدىكى پارتىيە ئەركىن دېموكراتلار پارتىيىسى بولۇپ، ھازىرقى باش ۋەزىر تارو ئاسو 1940- يىل 20- سېنتەبىردە تۇغۇلغان، بۇ پارتىيىگە 2008- يىل 22- سېنتەبىردە باش بولۇپ سايلانغان، 24- سېنتەبىردە ياپونىيىنىڭ 92- نۆۋەتلىك باش ۋەزىرى بولۇپ سايلانغان.
ياپونىيە پارلامېنتى ئاۋام پالاتا ۋە كېڭەش پالاتاسىدىن تەركىب تاپقان. ئاۋام پالاتاسىنىڭ ۋەزىپە ئۆتەش مۇددىتى تولۇق بولغاندا 4 يىل، باش ۋەزىرنىڭ ئۇنى تارقىتىۋېتىپ قايتا سايلام ئۆتكۈزۈش ھوقۇقى بولىدۇ. كېڭەش پالاتاسىنىڭ ۋەزىپە ئۆتەش مۇددىتى 6 يىل. ئاۋام پالاتاسىدا ماقۇللىنىپ، كېڭەش پالاتاسىدا ماقۇللانمىغان قانۇنلارمۇ قايتىدىن ئاۋام پالاتاسىدا ئاۋازغا قويۇلۇپ، ئۈچتىن ئىككى قىسىم پارلامېنت ئەزاسىنىڭ ماقۇللىشىدىن ئۆتسە يەنىلا كۈچكە ئېگە بولىدۇ. يەنى ئاۋام پالاتا كېڭەش پالاتاسىدىنمۇ يۇقىرى ئورۇنغا ئېگە.
مەنبە: ساكۇرا ئۇيغۇر بلوگى
تېخى ئىنكاس يېزىلمىدى.
ئىنكاس يېزىش ئورنى
ئىنكاسنى يۇقارقى رامكىدا يېزىۋېلىپ
تۆۋەندىكى رامكىغا چاپلاپ ئەۋەتسىڭىز بولىدۇ.